आज मंगलबार शेयर बजार परिसूचक (नेप्से) सामान्य अंकले घटेको छ । आज नेप्से तीव्र उताचढावका बीच अन्तिममा ८.१८ अंकले घटेर २९२३.४६ बिन्दुमा झरेको छ ।
आज ३३२ कम्पनीको ५ करोड २७ लाख ६४ हजार ८३२ कित्ता शेयर किनबेच हुँदा २० अर्ब ५१ करोड ५० लाख १० हजार ६३३.३१ रुपैयाँको कारोबार भएको छ ।
आज कारोबारमा आएका कम्पनीमध्ये १५७ कम्पनीको शेयरमूल्य घटेको छ । ८० कम्पनीको शेयर मूल्य बढेको छ ।
आज बढी कारोबार हुनेमा नेपाल फाइनान्स, हिमालय रि–इन्स्योरेन्स, अपी पावर, शिवम् सिमेन्ट, अरुण भ्याली हाइड्रोपावर कम्पनी छन् । त्यस्तै, आज बढी कमाउने लगानीकर्तामा मातृभूमी लघुवित्त, पिपुल्स पावर लिमिटेड, दोल्ती पावर, गुडबिल फाइनान्स र न्यादी हाइड्रोका लगानीकर्ता छन् ।
नेपाल फाइनान्स, आत्मनिर्भर लघुवित्त, मैलुङखोला जलविद्युत, अभियान लघुवित्त र सगरमाथा हाइड्रोपावरका लगानीकर्ताले बढी गुमाएका छन् । आज सबैभन्दा बढी गुमाउनेमा होटल र उत्पादन क्षेत्रका लगानीकर्ता छन् । आज फाइनान्स र जीवन बीमा कम्पनीको समूहबाहेक सबै समूहगत सूचक घटेका छन् ।
