साताको अन्तिम दिन आज शेयर बजार परिसूचक नेप्से सामान्य बढेको छ। आज नेप्से सूचक ६.७० अंकले बढेर २७६६.३८ को बिन्दुमा पुगेर रोकिएको छ।
आज कारोबारमा आएका ३२२ कम्पनीका ५ करोड ९ लाख ४६ हजार ८ सय ३२ कित्ता शेयर खरिद बिक्रीबाट २० अर्ब ७ करोड ४ लाख ३४ हजार १ सय ३ रुपैयाँ ३८ पैसाको कारोबार भएको छ। जस मध्ये शिवम सिमेन्टको सर्वाधिक १ अर्ब २० करोड तथा हिमालयन रिइन्स्योरेन्सको १ अर्ब ७ करोडको कारोबार भएको छ।
आज कारोबारमा आएका सबै सिमेन्ट कम्पनीको शेयर मूल्य १० प्रतिशतले बढेको छ। ४ सिमेन्ट कम्पनी बाहेक कर्णाली डेभलपमेन्ट बैंक र मिड सोलु हाइड्रोको शेयर मूल्य पनि १० प्रतिशत बढेको छ।
आज कारोबारमा आएका मध्ये एनआरनएन इन्फ्रास्ट्रकचर एण्ड डेभलपमेन्टको शेयर मूल्य सर्वाधिक ८.०४ प्रतिशत तथा सानिमा बैंकको ऋणपत्रको शेयर मूल्य ७.६९ प्रतिशत घटेको छ। त्यस्तै आरम्भ चौतारी लघुवित्तको शेयर मूल्य ४.९३ प्रतिशत घटेको छ।
आज कारोबारमा आएका समूहगत सूचक मध्ये उत्पादन तथा प्रशोधन समूह सर्वाधिक ५.८७ प्रतिशत बढेको छ भने होटेल तथा टुरिजम समूह सर्वाधिक १.२७ प्रतिशत घटेको छ।
