प्रतिनिधिसभा अन्तर्गत रहेको अर्थ समितिले आज पुँजीबजारबारे नेपाल धितोपत्र बोर्डसँग छलफल गर्ने भएको छ । समितिले नेपालको पुँजीबजार सम्बन्धी समसामयिक विषयमा धितोपत्र बोर्डसँग छलफल गर्ने भन्दै समितिका सदस्यहरुलाई निमन्त्रणा पठाएको छ।
बैठक आज बिहिबार अर्थ समितिको बैठक हल (संघीय संसद सचिवालय भवन नं.१ को कोठा नं. ४०२) मा बिहान ११ बजे हुने छ ।
यस अघिको प्रतिनिधिसभा बैठकमा सांसद अमरेश कुमार सिंहले शेयरबजारमा विभिन्न कम्पनीमा चलखेल भएको र ति कम्पनीको शेयर मूल्यमा अस्वभाविक मूल्य वृद्धि भएको भन्दै छानबिनको माग गरेका थिए । उनले विवादित अभिव्यक्ति दिएको भन्दै ४ वटा लगानीकर्ता संघले उनी माथि नै छानबिन गरि कारवाही गर्न माग गरेका छन् । त्यस्तै पूर्व अर्थमन्त्री डा. प्रकाश शरण महतले अहिलेको शेयर बजारको वृद्धि अस्वभाविक भएको टिप्पणी गरेका थिए ।
यस्तो अवस्थामा समितिले धितोपत्र बोर्डसँग छलफल गर्न लागेको हो ।
