आज सोमबार शेयर बजारमा करेक्सन आएको छ। आज शेयर बजार परिसूचक नेप्से दोहोरो अंकले घटेको हो । आज नेप्से सूचक २०.४६ अंकले घटेर २६६१.०९ को बिन्दुमा पुगेको छ।
आज कारोबारमा आएका ३२५ कम्पनीका ४ करोड ७७ लाख ९० हजार ८ सय ३७ कित्ता शेयर खरिद बिक्रीबाट १९ अर्ब ६० करोड ९१ लाख ७७ हजार १ सय ६ रुपैयाँ २९ पैसाको कारोबार भएको छ। जस मध्ये शिवम सिमेन्टको सर्वाधिक ६१ करोड १२ लाख तथा कुमारी बैंकको ५५ करोड २२ लाखको कारोबार भएको छ।
आज कारोबारमा आएका मध्ये नेपाल फाइनान्सको शेयर मूल्य सर्वाधिक ९.७७ प्रतिशत बढेको छ भने मन्दाकिनी हाइड्रोको शेयर मूल्य ८.५८ प्रतिशत बढेको छ। त्यस्तै बाराही हाइड्रोको शेयर मूल्य ८.१६ प्रतिशत तथा जानकी फाइनान्सको शेयर मूल्य ६.८० प्रतिशत बढेको छ।
आज कारोबारमा आएका मध्ये आरम्भ चौतारी लघुवित्तको शेयर मूल्य सर्वाधिक ८.३५ प्रतिशत तथा बोटलर्स नेपाल बालाजुको शेयर मूल्य ७.९९ प्रतिशत घटेको छ।
आज कारोबारमा आएका समूहगत सूचक मध्ये फाइनान्स र हाइड्रो बाहेकका सबै समूहगत सूचक घटेका छन् । आज फाइनान्स समूह १.८८ प्रतिशत तथा हाइड्रो समूह ०.८१ प्रतिशत बढेको छ ।
आज ट्रेडिङ समूह सर्वाधिक ४.५४ प्रतिशत तथा लघुवित्त समूह ३.७१ प्रतिशत घटेको छ।
