साताको अन्तिम दिन आज बिहीबार शेयरबजार परिसूचक नेप्से दोहोरो अंकले बढेको छ। आज नेप्से सूचक ३२ अंकले बढेर २५६८.११ को बिन्दुमा पुगेर रोकिएको छ।
आज कारोबारमा आएका ३२० कम्पनीका ३ करोड ५५ लाख ९४ हजार ८ सय ६८ कित्ता शेयर खरिद बिक्रीबाट १४ अर्ब १४ अर्ब १३ करोड ७८ लाख ९९ हजार ४९ रुपैयाँ २८ पैसाको कारोबार भएको छ। जस मध्ये सानिमा जीआईसी इन्स्योरेन्सको सर्वाधिक ३४ करोड १७ लाखको कारोबार भएको छ भने हिमालयन लाइफ इन्स्योरेन्सको २४ करोड ६४ लाखको कारोबार भएको छ। त्यस्तै शिवम सिमेन्टको २३ करोड ७२ लाख तथा फर्स्ट माइक्रोफाइनान्सको २३ करोड ५९ लाखको कारोबार भएको छ।
आज उपकार लघुवित्तको शेयर मूल्य सर्वाधिक १० प्रतिशतले बढेको छ । त्यस्तै जीवन विकास लघुवित्त र एशियन हाइड्रोको शेयर मूल्य ९.९९ प्रतिशतले बढेको छ। त्यस्तै गणपति लघुवित्तको शेयर मूल्य ९.९७ प्रतिशत बढेको छ ।
आज मितेरी डेभलपमेन्ट बैंकको शेयर मूल्य सर्वाधिक ७.६५ प्रतिशत घटेको छ भने मान्डु हाइड्रोको शेयर मूल्य ४.६८ प्रतिशत घटेको छ ।
आज कारोबारमा आएका समुहगत सूचक मध्ये इन्भेष्टमेन्ट समुह सर्वाधिक ०.७३ प्रतिशत घटेको छ भने विकास बैंक समुह ०.३५ प्रतिशत घटेको छ । आज लघुवित्त समुह सर्वाधिक ६.८३ प्रतिशत बढेको छ भने निर्जीवन बीमा समुह २.९५ प्रतिशत बढेको छ ।
