विजय लघुवित्तले निष्काशन गरेको एफपीओमा आवेदन दिने आज पुस २४ गते अन्तिम दिन रहेको छ । कम्पनीले पुस २१ गतेदेखि एफपीओ बिक्री खुला गरेको हो।
कम्पनीले सर्वसाधारणलाई ४ करोड ६६ लाख ८१ हजार ७ सय रुपैयाँ बराबरको ४ लाख ६६ हजार ८ सय १७ कित्ता शेयर निष्काशन गरेको छ। कम्पनीले प्रति कित्ता १०० रुपैयाँमा शेयर निष्काशन गरेको छ। यस निष्काशनमा आवेदन दिँदा न्युनतम १० कित्ता र अधिकतम १ हजार कित्ताको लागि आवेदन दिन सकिने छ ।
नेपाल धितपत्र बोर्डले मङ्सिर १४ गते कम्पनीलाई एफपीओ निष्काशनको अनुमति दिएको थियो । शेयर निष्काशनको लागि एनएमबि क्यापिटल बिक्री प्रबन्धक रहेको छ।
एफपीओ निष्काशनपछि कम्पनीमा संस्थापक र सर्वसाधारणको शेयर अनुपात ७०:३० कायम हुने छ।
