बिन्ध्यवासीनी हाइड्रोपावर डेभलपमेन्ट कम्पनी लिमिटेडले लाभांश घोषणा गरेको छ। कम्पनीको कार्तिक १३ गते बसेको संचालक समितिको बैठकले लाभांश घोषणा गरेको हो ।
जस अनुसार कम्पनीले आर्थिक वर्ष २०८०/८१ को मुनाफाबाट हाल कायम चुक्ता पुंजीको ८ प्रतिशत शेयर लाभांश वितरण गर्ने प्रस्ताव गरेको हो । कम्पनीको आगामी साधारणसभाले पारित गरेपछि उक्त लाभांश लगानीकर्तामा वितरण हुने छ ।
कम्पनीले मङ्सिर ६ गते साधारणसभा गर्ने भएको छ। कम्पनीले साधारणसभाको लागि कार्तिक २८ गते बुक क्लोज गर्ने निर्णय गरेको छ । कार्तिक २७ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउन सक्ने छन् ।
यस्ता छन् कम्पनीको सभामा पेश हुने प्रस्तावहरु :
सामान्य प्रस्ताव:
(क) सञ्चालक समितिको आ. व. २०८०/०८१ वार्षिक प्रतिवेदनमा छलफल गरी स्वीकृत गर्ने ।
(ख) कम्पनीको आ.व. २०८०/०८१ को लेखापरीक्षण प्रतिवेदन सहितको वित्तीय विवरण छलफल गरी अनुमोदन गर्ने ।
(ग) आ. व. २०८१/०८२ को लागि लेखापरीक्षकको नियुक्ति गर्ने र नीजको पारीश्रमिक तोक्ने ।
विशेष प्रस्तावः
(घ) कम्पनीको चुक्ता पूँजीको ८% शेयर लाभांश वितरण गर्ने सम्बन्धी विशेष प्रस्ताव ।
(ङ) कम्पनी ऐन बमोजिम कम्पनीको सञ्चालक समितिको संख्या संशोधन गर्ने सम्वन्धी विशेष प्रस्ताव ।
(च) विविध ।
