आज दशैँ अघिको अन्तिम शेयर कारोबार दिन । आज युनिलिभर नेपाल र सिटिजन्स बैंक इन्टरनेशनल लिमिटेडको लाभांश सुरक्षित गर्ने अन्तिम दिन रहेको छ।
साधारणसभा तथा लाभांश वितरण प्रयोजनार्थ युनिलिभर नेपालले असोज २८ गतेदेखि बुकक्लोज गर्दैछ भने सिटिजन्स बैंकले असोज २९ गते बुकक्लोज गर्दैछ । भोली असोज २४ गतेदेखि असोज २८ गतेसम्म दशैँ बिदाका कारण शेयर कारोबार बन्द हुने भएकोले आजसम्म नेप्सेमा कारोबार भइ कायम शेयरधनीहरुले यी कम्पनीहरुको साधारण सभामा सहभागिता जनाउन तथा यी कम्पनीहरुले वितरण गर्ने लाभांश प्राप्त गर्न सक्नेछन्।
युनिलिभर नेपाल लिमिटेडले कात्तिक १२ गते सोमबार ३१ औँ वार्षिक साधारणसभा डाकेको छ।
सभाले प्रतिकित्ता १ हजार ७१४ रुपैयाँका दरले नगद लाभांश वितरण गर्ने विशेष प्रस्ताव पारित गर्नेछ ।
त्यसैगरी, सिटिजन्स बैंक इन्टरनेशनलले कात्तिक १२ गते नै १८औँ वार्षिक साधारण सभा बोलाएको छ । उक्त सभाले हाल कायम चुक्ता पूँजीको ४ प्रतिशतका दरले बोनस शेयर र सोको कर प्रयोजनार्थ ०.२१ प्रतिशत नगद लाभांश वितरण गर्ने विशेष प्रस्ताव पारित गर्नेछ ।
