सोल्टी होटल लिमिटेडले ३६.८४ प्रतिशत लाभांश प्रस्ताव पारित गर्न साधारणसभा बोलाएको छ । कम्पनीले १० प्रतिशत बोनस सेयर र करसहित २६.८४ प्रतिशत नगद (कुल ३६.८४ प्रतिशत) लाभांश प्रस्ताव गरेको छ । उक्त लाभांश प्रस्ताव पारित गर्न कम्पनीले पुस ४ गते साधारण सभा बोलाएको हो ।
साधारणसभा प्रयोजनार्थ कम्पनीले मंसिर १३ गते बुक क्लोज गर्ने भएको छ । मंसिर १२ गतेसम्म कायम सेयरधनीले कम्पनीले वितरण गर्ने लाभांश प्राप्त गर्नेछन् । सोही मितिसम्म कायम सेयरधनीले कम्पनीको साधारणसभामा भाग लिन पनि पाउनेछन् ।
