सगरमाथा जलविद्युत कम्पनीले लाभांश घोषणा गरेको छ। कम्पनीको कार्तिक कार्तिक ८ गते बसेको संचालक समितिको बैठकले लाभांश घोषणा गरेको हो ।
जस अनुसार कम्पनीले आर्थिक वर्ष २०८०/८१ को मुनाफाबाट हाल कायम चुक्ता पुंजीको ४.७५ प्रतिशत बोनस शेयर तथा कर प्रयोजनको लागि ०.२५ प्रतिशत नगद लाभांश गरि कुल ५ प्रतिशत लाभांश वितरण गर्ने लाभांश गरेको हो । कम्पनीको आगामी साधारणले पारित गरेपछि उक्त लाभांश लगानीकर्तामा वितरण हुने छ ।
कम्पनीले मङ्सिर १४ गते साधारणसभा गर्ने भएको छ। कम्पनीले साधारणसभाको लागि कार्तिक २६ गते बुक क्लोज गर्ने निर्णय गरेको छ । कार्तिक २५ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउन सक्ने छन् ।
यस्ता छन् कम्पनीको सभामा पेश हुने प्रस्तावहरु:
(१) संचालक समितिको तर्फबाट अध्यक्षले प्रस्तुत गर्ने आ.व. २०८० / ०८१ को वार्षिक प्रतिवेदन उपर छलफल गरि पारित गर्ने सम्बन्धमा ।
(२) लेखापरीक्षकको प्रतिवेदन सहितको आ.व. २०८०/०८१ को लेखा परीक्षण प्रतिवेदन, वासलात, नाफा नोक्सान हिसाव र सोहि अवधिको नगद प्रवाह विवरण लगायतका वित्तिय विवरणहरु छलफल गरि पारित गर्ने सम्बन्धमा ।
(३)आ.व.२०८१/०८२ को लागि लेखापरीक्षण कार्य गर्न लेखापरीक्षक नियुक्ती गर्ने तथा निजको पारिश्रमिक तोक्ने सम्बन्धमा ।
(४) संचालक समितिबाट भए गरेका निर्णय, काम कारवाहीहरु अनुमोदन गर्ने सम्बन्धमा । (५) संस्थागत सुसाशन सम्बन्धि प्रतिवेदन स्विकृत गर्ने सम्बन्धमा ।
विशेष प्रस्तावहरु :
(१) कम्पनीको चुक्तापूँजी रु. १,१२,००,००,०००/- (एक अर्व बाह्र करोड रुपैंया मात्र) को ५ प्रतिशतले हुने लाभांश (४.७५ प्रतिशत बोनश शेयर तथा ०.२५ प्रतिशत नगद लाभांश, कर प्रयोजनका लागि) वितरण गर्ने प्रस्ताव स्विकृत गर्ने सम्बन्धमा ।
(२) कम्पनीको बोनस शेयर वितरण पश्चात् पूँजी वृद्धि हुने हुँदा कम्पनीको अधिकृत पूँजी, जारी पूँजी तथा चुक्ता पूँजी वृद्धि गर्ने सम्बन्धमा ।
(३) कम्पनीको प्रबन्ध पत्र, नियमावली संसोधन गर्ने सम्बन्धमा ।
(४) प्रस्तावित संसोधन सम्बन्धमा नियमनकारी निकायहरुबाट कुनै फेर बदल वा सुझाव वा निर्देशन प्राप्त भएमा सोलाई सम्बोधनका लागि आवश्यक संसोधन समायोजन गर्न सम्पूर्ण अख्तियारी सञ्चालक समितिलाई प्रदान गर्ने सम्बन्धमा ।
(५) अन्य कम्पनीमा लगानी गर्ने सम्बन्धमा ।
