मनकामना स्मार्ट लघुवित्तको संस्थापक तथा कर्मचारीहरुको नाममा रहेको शेयरको लक इन अवधि २०८१ असार २७ गते समाप्त हुने भएको छ । कम्पनीले आईपीओ निष्काशन गरि बाँडफांड गरेको ३ वर्ष पुरा भएकोले संस्थापक शेयरधनीको नाममा रहेको १० लाख ८ हजार ३५ दशमलव ४३ कित्ता शेयर र कर्मचारीहरुको नाममा रहेको ७ हजार ४ सय २४ दशमलव ५३ कित्ता शेयरको लक् इन अवधि २०८१ असार २७ गते समाप्त हुने भएको हो।
कम्पनीको साधारण शेयर २०७८ असार १७ गतेदेखि २०७८ असार २१ गतेसम्म सर्वसाधारण ( कर्मचारीहरु समेत) मा निष्काशन तथा बिक्री खुल्ला गरी २०७८ असार २८ गते बाँडफाँड गरिएकोथियो । कम्पनीको साधारण शेयर सर्वसाधारणकालागि सार्वजनिक निष्काशन गरी बाँडफाँड गरिएको तीन वर्ष समाप्त भएसम्म संस्थापक शेयरधनी तथा कर्मचारीहरुले धारण गरेको शेयर लक इन मा राख्नु पर्ने व्यवस्था भए बमोजिम लक इनमा राखिएको र उक्त शेयरको २०८१ असार २७ गते लक इन अवधि समाप्त हुने कम्पनीले जनाएको छ ।
शेयरको लकइन् अवधि सकिने भएपनि कम्पनीका संस्थापक शेयरधनीले दोस्रो बजारबाट सहजै आफ्नो नाममा रहेको शेयर बिक्री गर्न पाउने छैनन् । त्यस्तै कम्पनीको संचालक समितिका पदाधिकारीहरु तथा उच्च व्यवस्थापन तहमा रहेका कर्मचारीहरुले भने खरीद बिक्री गर्न पाउने छैनन् ।
