धितोपत्रको दोस्रो बजारमा शेयर कारोबारको लागि अनलाईन लगईन आइडी र पासवर्ड लिने लगानीकर्ताको संख्या २२ लाख नाघेको छ । नेपाल धितोपत्र बोर्डको तथ्यांक अनुसार आ.व. २०८०/८१ को वैशाख मसान्तसम्म उक्त संख्या २२ लाख १६ हजार २ सय ४७ पुगेको छ ।
२०७७ असारमा धितोपत्रको दोस्रो बजार अनलाइन कारोबारका लागि करिब ३५ हजार भन्दा बढीले युजर आई डि लिएकोमा २०७८ असारमा ७ लाख ९५ हजार ९ सय ३४ ले लिएका थिए। आ.व. २०७८ ७९ को अन्त्यमा सो लिने लगानीकर्ताहरुको संख्या १४ लाख ८५ हजार ४ सय ६० पुगेको थियो । आ.व. २०७९/८० को अन्त्यसम्म उक्त संख्या १७ लाख ६३ हजार ३ सय १ रहेको थियो ।
बोर्डक अनुसार मेरो सेयर खाता लिनेको संख्या पनि उल्लेख्य बढेको छ। २०७७ असारमा करिब ७ लाखको संख्या रहेको मा २०७८ को असारमा उक्त संख्या वृद्धि भई २८ लाख ५१ हजार ८ सय ३ पुगेको थियो । आ.व. २०७८ ७९ को अन्त्यमा उक्त संख्या ४३ लाख ६८ हजार ६ सय ३९ पुगेको छ । आ.व. २०७९/८० को अन्त्यमा उक्त संख्या ४७ लाख ४१ हजार ५५ पुगेको छ । आ.व. २०८०/८१ को वैशाख मसान्तसम्म उक्त संख्या ५३ लाख २२ हजार ९ सय ६९ पुगेको छ ।
धितोपत्र बजार लगानीकर्ताको सहभागिताको अवस्थालाई नियाल्दा २०७७ असार मसान्तमा १७ लाखको हाराहारीमा रहेको डिम्याट खाता ( हितग्राही खाता) को संख्या पनि बढेको छ । डिम्याट खाताको संख्या आ. व. २०७७/७८ को अन्त्यमा ३७ लाख ३६ हजार ९ सय २६ पुगेको थियो । आ.व. २०७८ ७९ को अन्त्यमा उक्त संख्या बढी ५२ लाख ६० हजार २ सय ५१ पुगेको छ । आ.व. २०७९/८० को अन्त्यमा उक्त संख्या ५८ लाख २३ हजार पुगेको थियो । आ.व. २०८०/८१ को वैशाख मसान्तसम्म उक्त संख्या ६२ लाख ७२ हजार ३ सय ५१ पुगेको छ । डिम्याट खाताको प्रवृत्ति विश्ले षण गर्दा पुरुष ३६ लाख ४ हजार ५ सय ७ महिला २६ लाख ६० हजार ६ सय १२, अन्य ५४ र संस्थागत ७११५ ले उक्त खाता खोलेको देखिन्छ । प्रदेशगत रुपमा हेर्दा सबैभन्दा बढी बागमती प्रदेशमा ३८ प्रतिशत र सबैभन्दा कम कर्णाली प्रदेशमा २.४५ प्रतिशत खाता खुलेको देखिन्छ ।
