महिला लघुवित्तको झन्डै २ लाख कित्ता संस्थापक शेयर लिलाममा आएको छ। कम्पनीको संस्थापक समुहको १ लाख ९९ हजार ४ सय ७२ कित्ता शेयर लिलाममा आएको हो ।
यस लिलामीमा आज असार १७ गतेदेखि साउन ८ गतेसम्म आवेदन दिन सकिने छ। यस लिलामीको शेयरमा जो सुकै व्यक्ति वा संस्थाले आवेदन दिन सक्ने छन्। तर नेपाल राष्ट्र बैंकले बैंक तथा वित्तीय संस्थाको संस्थागत शेयर धारण गर्नको लागि तोकेको योग्यता पुरा गरेको हुनु पर्ने छ। शेयर लिलाम प्रक्रियाको लागि नेपाल एसबिआई मर्चेन्ट बैंकिंग लिमिटेड बिक्री प्रबन्धक रहेको छ ।
यी शेयरको न्युनतम मूल्य प्रति कित्ता ७ सय रुपैयाँ तोकिएकोले सो भन्दा बढी रकम कबुल गरि शिलबन्दी बोलपत्र पेश गर्नु पर्ने छ । आवेदन दिँदा न्युनतम १०० कित्ता र अधिकतम पुरै कित्ताको लागि आवेदन दिन सकिने छ। आवेदन फारम र अन्य विस्तृत जानकारी नेपाल एसबिआई मर्चेन्टबाट लिन कम्पनीले आग्रह गरेको छ ।
