पूँजी बजारको नियामक निकाय नेपाल धितोपत्र बोर्डको अध्यक्ष नियुक्ति प्रक्रियाका विषयमा महान्यायाधिवक्ता कार्यालयले २ जनाको नाम सिफारिस गर्न नमिल्ने सुझाव दिएको छ । सिफारिस समितिले सर्ट लिस्टमा परेका ५ जनालाई प्रस्तुतिकरणका लागि बोलाएकोमा २ जना मात्रै उपस्थित भएपछि महान्यायाधिवक्ताको कार्यालयसँग सुझाव मागेको थियो ।
समय थप गर्दा समेत बाँकी ३ जना प्रस्तुतकिरणका लागि नआएपछि बोर्ड अध्यक्ष नियुक्ति प्रक्रिया कसरी अघि बढाउने भनेर सिफारिस समितिले महान्याधिवक्ताको कार्यालयमा सुझाव मागेको थियो । महान्यायाधिवक्ताको कार्यालयले ३ जना भन्दा कमको नाम सिफारिस गर्न नमिल्ने प्रष्ट व्यवस्था रहेकाले २ जनाको नाम सिफारिस गर्न नमिल्ने राय दिएको हो ।
कम्तीमा ३ जनाको नाम सिफारिस गर्नुपर्ने प्रावधान भएकाले सिफािरस समितिले कम्तीमा ३ जनाकै नाम मन्त्रिपरिषद्मा सिफारिस गर्नुपर्ने महान्याधिवक्ता कार्यलयको सुझाव छ ।
यदि ३ जनाको नाम सिफारिस हुन नसकेको अवस्थामा हालको प्रक्रिया रद्द गर्न महान्याधिवक्ता कार्यलयले सुझाव दिएको बताइएको छ ।
