नेपाल लाइफ इन्स्योरेन्सले दुई वटा शैक्षिक संस्थामा १ अर्ब ३३ करोड बढी लगानी गर्ने सम्झौता गरेको छ । कम्पनीले प्रोफेसनल एजुकेटर्स लिमिटेड र युनिग्लोब हायर सेकेण्डरी स्कुलमा लगानी सम्झौता गरेको हो ।
कम्पनीको साउन ६ गते बसेको संचालक समितिको बैठकले नेपाल बीमा प्राधिकरणबाट प्राप्त स्वीकृति अनुरुप लगानी सम्झौता गरेको जनाएको छ । कम्पनीका अनुसार नेपाल लाइफले प्रोफेसनल एजुकेटर्स लिमिटेडमा ३५.३२ प्रतिशत शेयर स्वामित्वको लागि रु ७३ करोड ७२ लाख ८९ हजार ६ सय र युनिग्लोब हायर सेकेण्डरी स्कुलमा ४७.६२ प्रतिशत शेयर स्वामित्वको लागि रु ६० करोड गरी जम्मा रु. १ अर्ब ३३ करोड ७२लाख ८९ हजार ६ सय रुपैयाँ बराबरको शेयर लगानी गर्ने सम्झौता गरिएको छ ।
सम्झौतामा प्रोफेसनल एजुकेटर्स लिमिटेडका अध्यक्ष डा. खगेन्द्रप्रसाद ओझा, नेपाल लाइफ इन्स्योरेन्सका प्रमुख कार्यकारी अधिकृत प्रविण रमण पराजुलीले हस्ताक्षर गरेका छन्
