नेपाल बीमा प्राधिकरणले बीमा सर्भेयरहरुलाई केवासी अपडेट गर्न आग्रह आग्रह गरेको छ । प्राधिकरणले बीमा सर्भेयरको इजाजतपत्र लिई सक्रिय रुपमा रहेका व्यक्तिगत तथा संस्थागत बीमा सर्भेयरहरु लाई केवाईसी अपडेट गर्न आग्रह गरेको हो ।
प्राधिकरणले २०८१ साल असार मसान्त भित्रमा अनिवार्य रुपमा केवाईसी अद्यावधिक गरी सक्न अनुरोध गरेको छ। प्राधिकरणका अनुसार केवाईसी अपडेटका आधारमा प्राधिकरणले सर्भेयरलाई पहिचानको लागि परिचयपत्र (Identity Card) उपलब्ध गराउने छ।
केवाईसी अपडेट नगरेको कारण परिचयपत्र लिने सुविधाबाट बञ्चित हुन सक्ने भएकाले तोकिएको मिति भित्रमा अनिवार्य रुपमा केवाईसी अपडेट गरि परिचयपत्र उपलब्ध गराउने कार्यका लागि सहयोग गर्न प्राधिकरणले आग्रह गरेको छ । केवाईसी अपडेट गर्ने र परिचयपत्र लिने कार्यमा छुट्न गएमा त्यसबाट उत्पन्न हुने परिणाम प्रति स्वंम नै जवाफदेहि हुनुपर्ने प्राधिकरणले प्रष्ट पारेको छ।
