सन् २०२५ मा ११ लाख ५० हजारभन्दा बढी विदेशी पर्यटकले नेपाल भ्रमण गरेका छन् । नेपाल पर्यटन बोर्डले सार्वजनिक गरेको तथ्यांक अनुसार वर्ष २०२५ मा ११ लाख ५८ हजार ४५९ पर्यटकले नेपाल भ्रमण गरेका हुन् ।
पर्यटकको आगमन सन् २०२४ को तुलनाका १० हजारले बढेको बोर्डले जनाएको छ ।
सन् २०२५ मा सबैभदा बढी पर्यटक मार्च महिनामा आएका छन् । मार्चमा मात्रै १ लाख २१ हजार पर्यटकले नेपाल भ्रमण गरेका थिए । नोभेम्बरमा १ लाख १६ हजार ५५३ र अप्रिलमा १ लाख १६ हजार ४९० जना पर्यटक नेपाल आएका छन् । डिसेम्बरमा ९८ हजार १९० पर्यटक आएका छन् ।
सन् २०२५ मा नेपाल भित्रिएका पर्यटकमध्ये सबैभन्दा बढी भारतबाट २ लाख ९२ हजार पर्यटक नेपाल आएका छन् । यस्तै, अमेरिकाबाट १ लाख १२ हजार, चीनबाट ९५ हजार, बेलायतबाट ५८ हजार, बंगलादेशबाट ५७ हजार, अस्टेलियाबाट ४९ हजार पर्यटक नेपाल भित्रिएका छन् ।
श्रीलंकाबाट ३७ हजार, थाइल्याण्डबाट ३० हजार, जर्मनबिाट ३० हजार र जापानबाट २४ हजार पर्यटक नेपाल आएको बोर्डको तथ्यांकमा उल्लेख छ ।
