बजारमा खाने तेल (खाना पकाउने तेल)को मूल्य बढेको छ । खाना पकाउन प्रयोग गरिने सूर्यमुखी (सनफ्लावर) र भटमासको तेलको मूल्य बढेको हो ।
नेपाल खुद्रा व्यवसायी संघले सार्वजनिक गरेको मूल्यसूची अनुसार खाने तेलको मूल्य बढेको हो । प्रत्येक महिनाको १ गते र १५ गते खाद्यान्नको खुद्रा मूल्य सार्वजनिक गर्दै आएको खुद्रा व्यवसायी संघका अनुसार १५ दिन अघिको तुलनामा सनफ्लावर र भटमासको तेलको मूल्य प्रतिलिटर ५ रुपैयाँले बढेको हो ।
जसअनुसार, अब सनफ्लावर र भटमासको तेलको मूल्य प्रतिलिटर २५५ रुपैयाँ पुगेको छ । यसअघि यी दूबै थरी तेलको मूल्य प्रतिलिटर २५० रुपैयाँ थियो ।
भुटेको तोरीको तेल र काँचो तोरीको तेलको मूल्य भने क्रमशः प्रतिलिटर ४१० रुपैयाँ र ३२५ रुपैयाँ आसपास रहेको छ ।
