नेपाल उद्योग वाणिज्य महासंघका अध्यक्ष चन्द्र ढकालले रिक्त कोषाध्यक्ष पदमा भरत आचार्यलाई मनोनित गरेका छन् । यसअघि महासंघको कोषाध्यक्ष रहेका निरक केसीको कार्यकाल सकिएपछि उक्त पद रिक्त थियो । केसीको सदस्यको कार्यकाल १८ महिना मात्रै थियो ।
यसपछि अध्यक्ष ढकालले आचार्यलाई कोषाध्यक्षमा मनोनित गरेका हुन् । आचार्यले अब महासंघमा कोषाध्यक्षको बाँकी कार्यकाल सम्हाल्ने छन् ।
उनी महासंघको गत निर्वाचनमा एसोसिएटतर्फको उपाध्यक्षमा पराजित भएका थिए । अध्यक्ष ढकालले विधानले दिएको अधिकार प्रयोग गर्दै आचार्यलाई कार्यसमिति सदस्यमा मनोनित गरेका थिए ।
