१४० वर्षे इतिहास बोकेको पारिवारिक व्यवसायिक घराना ज्योति ग्रुप टुक्रिएको छ । दाजुभाइ बीचको अंशबण्डाको विवाद चर्किरहेपछि ज्योति ग्रुप औपचारिक रुपमा विभाजन भएको हो । यससँगै नयाँ समूहको रुपमा ‘पद्म ज्योति ग्रुप’को जन्म भएको छ ।
‘ज्योति समूहलाई पद्म ज्योति समूहमा रुपान्तरण गरी विकास र सृजनशीलताको नयाँ यात्राको सुरुवात भएको घोषणा गर्न पाउँदा हामी खुसी छौं,’ अध्यक्ष पद्म ज्योतिले भने, ‘धेरै बाधा र चुनौती पार गरेपनि यो समूह आफ्नो उत्कृष्टताको विरासतमा प्रतिबद्ध रहँदै निरन्तर अघि बढ्नेछ ।’
पद्म ज्योति ग्रुपको अध्यक्षमा पद्म आफैँ छन् भने संस्थापक सदस्यमा मीरा ज्योति र सौरभ ज्योति छन् । सिर्जना ज्योति र आरती ज्योति कम्पनीका निर्देशक छन् ।
सन् १९४० को दशकमा मणिहर्ष ज्योतिले स्थापना गरेको ज्योति ग्रुप लामो विरासत भएको नेपाली व्यवसायिक घरानाका रुपमा चिनिन्छ । टुक्रिनु अघि ज्योति समूहमा पद्य ज्योति अध्यक्ष र रुप ज्योति उपाध्यक्ष थिए ।
ग्रुपसँग हाल हिमाल स्टिल, भाजुरत्न इन्जिनियरिङ एन्ड सेल्स, हिमाल वायर्स, ज्योति स्पिनिङ मिल्स, भाजुरन्त फार्मास्युटिकल्स र होन्डा मोटरसाइकल लगायतका उद्यम व्यवसाय छन् ।
ब्यापार-ब्यबसाय जसरि दाजुभाई विचको भातृत्व नटुक्रियोस।वैलायको त्यो प्रेममा नयां अंकुर टुसाओस् ।हृदय देखीको शुभकामना ।