नेपाल उद्योग वाणिज्य महासंघ (एफएनसीसीआई) ले सर्वसम्मत रुपमा विधान संशोधन गरेको छ । मंगलबार सम्पन्न महासंघको विशेष साधारणसभाले सर्वसम्मत रुपमा विधान संशोधन गरेको हो ।
विधान संशोधन भएसंगै अब महांसघमा अध्यक्षको लागि प्रत्यक्ष निर्वाचन हुने छ। यस अघि बरिष्ठ उपाध्यक्ष स्वत अध्यक्ष हुँदै आएकोमा अब भने महांसघमा अध्यक्षको लागि प्रत्यक्ष निर्वाचन हुने छ। हाल महासंघमा अञ्जन श्रेष्ठ वरिष्ठ उपाध्यक्ष छन्। उनी अध्यक्ष भएपछि मात्र संशोधित व्यवस्था लागु हुने छ। अर्थात् अञ्जन श्रेष्ठ भने स्वत महासंघको अध्यक्ष बन्ने छन् । अध्यक्षको रुपमा श्रेष्ठको कार्यकाल सकिएपछि महांसघमा अध्यक्षको लागि प्रत्यक्ष निर्वाचन हुने छ।
२०७३ मा महासंघको विधान संशोधन गरेर वरिष्ठ उपाध्यक्ष स्वत: अध्यक्ष बन्ने व्यवस्था गरिएको थियो । त्यसको ८ वर्षपछि फेरि प्रत्यक्ष निर्वाचनबाट महासंघको अध्यक्ष चयन गर्ने गरि विधान संशोधन भएको छ ।
त्यस्तै महासंघले विधान संशोधन गरेर कार्यसमितिको कार्यकाल ३ वर्ष हुने हालको व्यवस्थालाई संशोधन गरेर कार्यसमितिको कार्यकाल २ वर्षमा झारिएको छ ।
