मनकामना दरौंदी हाइड्रोपावर कम्पनी लिमिटेडले पुँजी वृद्धि गर्न हकप्रद निष्काशन गर्ने भएको छ । कम्पनीको २०८१ जेठ ३ गते बसेको संचालक समितिको बैठकले तत्काल कायम रहेका संस्थापक शेयरधनीहरुवाट १ कित्ता शेयर बराबर ३.२ कित्ता शेयर (१:३.२) अर्थात् ३२० प्रतिशत हकप्रद निष्काशन गर्ने निर्णय गरेको हो।
कम्पनीले १ कित्ता शेयर बराबर ३.२ कित्ता शेयर (१:३.२) को अनुपातमा रु.१०० अंकित दरको २८,५२, ७७८ कित्ता हकप्रद शेयर निष्काशन गर्ने छ । कम्पनीले ३५ दिन भित्र तत्काल कायम रहेका संस्थापक शेयरधनीहरुलाई हकप्रद वापतको रकम कम्पनीको बैंक खातामा जम्मा गर्न आग्रह गरेको छ ।
कम्पनीले गोरखा जिल्लामा दरौंदी नदी जलविद्युत आयोजना निर्माण तयारी गरेको छ। ६ घण्टा पिकिङमा चल्ने उक्त आयोजनाको कुल जडित क्षमता ९.८४ मेगावाट रहेको छ। आयोजनामा नेपाल विद्युत प्राधिकरणका पूर्व कर्मचारीहरुको लगानी छ।
