नेपाल विद्युत प्राधिकरणले थप दुई वटा उद्योगको लाइन काटेको छ । डेडिकेटेड फिडर तथा ट्रंकलाइन उपयोग गरे बापतको विद्युत महशुल (बक्यौता) नतिरेको भन्दै प्राधिकरणले जगदम्बा सिन्थेटिक र हुलास स्टीलको लाइन काटिदिएको हो ।
प्राधिकरणका अनुसार जगदम्बा सिन्थेटिक्सले १६ करोड ४ लाख रुपैयाँ र हुलास स्टीलले ११ करोड २९ लाख रुपैयाँ बक्यौता तिर्न बाँकी छ ।
थप दुई उद्योगको लाइन काटिएसँगै प्राधिकरणले ५ वटा उद्योगको लाइन काटेको छ ।
मंगलबार प्राधिकरणले रिलायन्स स्पेनिङ मिल्स, घोराही सिमेन्ट र अर्घाखाँची सिमेन्टको लाइन काटेको थियो ।
विद्युत प्राधिकरणका प्रबन्ध निर्देशक कुलमान घिसिङलाई ऊर्जा, जलस्रोत तथा सिँचाइमन्त्री शक्तिबहादुर बस्नेतमार्फत प्रधानमन्त्री पुष्पकमल दाहालले लाइन काट्न निर्देशन दिएको बताइएको छ ।
