नेपालमा सिट्रोन गाडीहरुको लागि आधिकारिक वितरक सांग्रिला मोटर्स प्राइभेट लिमिटेडले सिट्रोन गाडीको ग्राहकहरुलाई लक्षित गरी निःशुल्क चेकजाँच क्याम्प आयोजना गर्दैछ । यो क्याम्पले खरीद गरिएका सिट्रोनका सवारी साधनलाई राम्रो अवस्थामा राख्नुका साथै विशेष छुटहरूको फाइदा पनि प्रदान गर्ने कम्पनीको भनाइ छ ।
यस क्याम्पमा फ्री सर्भिसिङ, गाडीका सबै पार्ट्समा १० प्रतिशत छुट, निःशुल्क साधारण चेकजाँच साथै लुब्रिकेन्ट्समा ५ प्रतिशत छुट लगायतका विभिन्न आकर्षक अफरहरू उपलब्ध हुने छन् । यी सुविधाहरूले सिट्रोन गाडीका ग्राहकहरुको सवारी अनुभवलाई अझ राम्रो बनाउने र उल्लेखनीय बचत पनि गराउने विश्वास कम्पनीको छ ।
यो क्याम्प दुई चरणमा सञ्चालन हुनेछ । पहिलो चरण श्रावण २७ र २८ गते विर्तामोडमा, श्रावण २९ र ३० गते बिराटनगरमा र श्रावण ३२ गते बीरगञ्जमा हुँदैछ ।
दोस्रो चरणमा पोखरा, दाङ, बुटवल, र नारायणघाट समावेश छन् । यी स्थानमा आयोजना हुने क्याम्पको मिति छिट्टै घोषणा गरिनेछ ।
सिट्रोनले आफ्ना ग्राहकहरुलाई तोकिएको मिति र स्थानहरूमा यी विशेष अफरहरूको लाभ उठाउन आग्रह गरेको छ ।
