स्वस्तिक एग्रो इण्डष्ट्रिज लिमिटेडले साधारणसभा आह्वान गरेको छ । कम्पनीले चैत्र २१ गते कम्पनीको गाई फार्म रहेको स्थान धनुषाको तल्लो गोद्वारमा साधारणसभा बोलाएको हो ।
कम्पनीको सभाको विशेष प्रस्तावमा कम्पनीको प्रबन्धपत्र र नियमावलीमा आवश्यक संशोधन गर्ने, संस्थापक शेयरधनी थप गर्ने, जारी तथा चुक्ता पुँजी वृद्धि गर्ने, आईपीओ निष्काशन गर्ने लगायतका विशेष प्रस्ताव पेश हुने छन् । कम्पनीले यस अघि नै शेयर निष्काशन कार्यका लागि नबिल इन्भेष्टमेण्ट बैंकिङ्ग लिमिटेडलाई नियुक्त गरिसकेको छ ।
दुग्ध तथा दुग्ध जन्य पदार्थ जस्तै दहि, घ्यू, चकलेट र पनिर लगाएतका अन्य उत्पादन र प्याकेजिङ्ग गर्ने उद्देश्यका साथ कम्पनी स्थापना भएको हो। स्वदेशि उत्पादनको माध्यमबाट देशलाई दुग्ध तथा दुग्ध जन्य पदार्थमा आत्म निर्भर बनाउँने र उपभोक्ताहरुका लागि “गोठ देखि भान्सासम्म” भन्ने मूल नाराका साथ शुद्ध दुग्ध तथा दुग्ध जन्य परिकारहरु उपलब्ध गराउने मुख्य उद्देश्यका साथ स्थापित कम्पनीले हाल कम्पनीको नाममा रहेको धनुषा जिल्लाको गोदार स्थित २ बिघा जमिनमा जर्सी तथा होल्स्टोन जस्ता उत्कृष्ट जातका गाईहरुबाट दुग्ध उत्पादन गरी बिक्री बितरण गर्दै आईरहेको छ।
कम्पनीले निकट भविष्यमा प्याकेजिङ्ग उद्योग स्थापना गरी दुग्ध उत्पादन क्षेत्रका लागि एक उत्कृष्ट तथा प्रतिष्ठित कम्पनी बनाउने उद्देश्यका साथ अध्ययन तथा अनुसन्धान गरिरहेको जनाएको छ।
यस्ता छन् कम्पनीको सभामा पेश हुने प्रस्तावहरु :
