कुखुराको अण्डाको मूल्य बढेको छ । नेपाल लेयर्स कुखुरा पालक संघले अण्डाको मूल्य बढाएको हो ।
संघका अनुसार बढेको मूल्य शनिबारबाट लागू भएको छ । संघका सचिव मदन पोखरेलका अनुसार नयाँ मूल्य अनुसार अब मिडियम साइजको अण्डा प्रतिक्रेट ४९० रुपैयाँ र ठूलो अण्डा प्रतिक्रेट ५१० रुपैयाँ पर्नेछ । यस्तै, सबैभन्दा ठूलो अण्डा प्रतिक्रेट ५३० रुपैयाँ पर्नेछ ।
संघले देशैभर अण्डाको मूल्यमा समानता कायम गर्न चितवनलाई आधार मान्दै आएको छ ।
