नाडाको विशेष साधारण सभा हाललाई स्थगित

नेपाल अटोमोबाइल डिलर्स एसोसिएसन (नाडा) ले आफ्नो विशेष साधारण सभा हाललाई स्थगित गरेको छ। नाडाको २२ औं केन्द्रीय कार्य समितिको आजको बैठकले यो निर्णय गरेको हो।
नाडाका अनुसार, यही भाद्र २४ गते मङ्गलबारका लागि निर्धारित विशेष साधारण सभा अर्को सूचना नप्रकाशित नभएसम्मका लागि सारिएको छ। उक्त सभा द प्लाजा होटल, झम्सिखेल, ललितपुरमा आयोजना हुने तय भएको थियो।
नाडाले आफ्ना सम्पूर्ण सदस्यहरूलाई जानकारी गराउँदै भनेको छ, “उपयुक्त समयमा अर्को सूचना पठाई विशेष साधारण सभा बोलाइनेछ।” यस स्थगनको कारणबारे भने कुनै विवरण दिइएको छैन।
नाडा नेपालका अटोमोबाइल व्यवसायीहरूको छाता संगठन हो, जसले विभिन्न नीतिगत तथा व्यावसायिक मुद्दाहरूमा काम गर्दै आएको छ।