कालिका लघुवित्तले आर्थिक वर्ष २०८०/८१ को चौथो त्रैमासको अपरिस्कृत वित्तीय विवरण प्रकाशन गरेको छ । प्रकाशित विवरण अनुसार आघिल्लो आर्थिक वर्षको तुलनामा कम्पनीको खुद नाफा १३४.०३ प्रतिशत बढेको छ ।
समीक्षा अवधिमा कम्पनीले ६ करोड ३१ लाख रुपैयाँ खुद नाफा कमाएको छ। अघिल्लो आर्थिक वर्षको सोहि अवधिमा कम्पनीको खुद नाफा २ करोड ६९ लाख मात्र थियो । यस अवधिमा कम्पनीको खुद ब्याज आम्दानी ०.५४ प्रतिशतले बढेर २५ करोड ५० लाख पुगेको छ । यस अवधिमा कम्पनीको इम्पेयरमेन्ट चार्ज अन्तर्गत २ करोड ७८ लाख रुपैयाँ रिभर्स भएको छ । जसको कारण खुद ब्याज आम्दानी सामान्य बढे पनि खुद नाफा भने १३४.०३ प्रतिशत बढेको देखिन्छ।
कम्पनीको वितरणयोग्य मुनाफा ३ करोड ४४ लाख रुपैयाँ रहेको छ भने वितरणयोग्य प्रतिशेयर आम्दानी ९ रुपैयाँ २७ पैसा रहेको छ। यस अवधिमा कम्पनीको प्रति शेयर आम्दानी ७.२४ रुपैयाँबाट बढेर १६.९५ रुपैयाँ कायम भएको छ । त्यस्तै कम्पनीको प्रति शेयर नेटवर्थ १७२.७० रुपैयाँ रहेको छ ।
कम्पनीको चुक्ता पुँजी ३७ करोड २३ लाख रहेको छ भने रिजर्भमा २७ करोड ६ लाख रहेको छ । कम्पनीको खराब कर्जा ३.७९ प्रतिशत रहेको छ ।
