सपोर्ट लघुवित्तले आर्थिक वर्ष २०८०/८१ को चौथो त्रैमासको अपरिस्कृत वित्तीय विवरण प्रकाशित गरेको छ । जस अनुसार अघिल्लो आर्थिक वर्षको तुलनामा यस अवधिमा कम्पनीको खुद नाफा ७५.०३ प्रतिशतले बढेको छ।
यस अवधिमा कम्पनीले ४ करोड १६ लाख खुद नाफा कमाएको छ । अघिल्लो आर्थिक वर्षको सोहि अवधिमा कम्पनीले २ करोड ३८ लाख खुद नाफा कमाएको थियो । यस अवधिमा कम्पनीको खुद ब्याज आम्दानी १८.१९ प्रतिशत बढेर ८ करोड २९ लाख पुगेको छ । कम्पनीको अन्य संचालन आम्दानी ८१.९४ प्रतिशतले बढेर २ करोड ४७ लाख पुगेको छ ।
यस अवधिमा कम्पनीको प्रति शेयर आम्दानी बढेर २२ रुपैयाँ १६ पैसा पुगेको छ भने प्रति शेयर नेटवर्थ १४९ रुपैयाँ ५५ पैसा कायम भएको छ ।
१० करोड ७६ लाख चुक्ता पुँजी रहेको कम्पनीको रिजर्भमा ५ करोड ३३ लाख रहेको छ।
