कामना सेवा विकास बैंकले अविमोच्य असञ्चिति अग्राधिकार शेयर (Perpetual Non-Cumulative Preference Share) जारी गर्ने भएको छ । बैंकको असार १७ गते बसेको संचालक समितिको बैठकले ९ प्रतिशतका दरले अविमोच्य असञ्चिति अग्राधिकार शेयर निष्काशन गर्ने निर्णय गरेको हो ।
बैंकले बैंकको आ.व. २०८०/८१ को आगामी वार्षिक साधारण सभा तथा नेपाल राष्ट्र बैंक लगायत नियमनकारी निकायको स्वीकृति प्राप्त भएको खण्डमा रु. १००/- का दरले ३५ लाख इकाई अर्थात रु. ३५ करोड बराबरको अविमोच्य असञ्चिति अग्राधिकार शेयर निष्काशन गर्ने निर्णय गरेको हो ।
बैंकका अनुसार ९ प्रतिशत लाभांस दर कायम गरी मुनाफा भएको वर्ष मात्र मुनाफा वितरण हुने गरि यी शेयर निष्काशन गरिने छ । कुनै पनि सुरक्षण नराखी व्यक्तिगत तवर (Private Placement) बाट संस्थागत लगानीकर्ताहरुको लागि मात्र बिक्री गरिने पनि बैंकले उल्लेख गरेको छ।
