सहकारी संस्था वचत रकम दुरुपयोग सम्बन्धमा संसदीय छानविन विशेष समितिले सहकारी ठगीमा संलग्न १८ जनालाई खोज्नको लागि नेपाल सरकारलाई निर्देशन दिएको छ । समितिको आजको बैठकले सहकारी क्षेत्रको वचत दुरुपयोग,अपचलन र ठगीमा संलग्न भई फरार १८ जना व्यक्तिहरूलाई विदेश वा फरार स्थितिमा रहेकोमा समितिको सम्पर्कमा ल्याउन र सोधपुछ गरिने सूचिका व्यक्तिहरूसँग समितिको समन्वय र सम्पर्कको प्रबन्ध मिलाउन गृहमन्त्रीलाई निर्देशन दिने निर्णय गरेको छ।
समितिले आज गृहमन्त्री रमेश लेखक, ग्रिह सचिव एकनारायण अर्याल, प्रहरी महानिरीक्षक बसन्तबहादुर कुँवर र प्रहरी नायव महानिरीक्षक जनक भट्टराईसँग छलफल गरेको थियो ।
छलफलमा गृहमन्त्री लेखकले समितिले विधिवत् रूपमा गरेको अपेक्षा र निर्देशनलाई सरकारले कार्यान्वयन गर्ने प्रतिबद्धता व्यक्त गरेका छन्। उनले समितिलाई कार्यसम्पादनमा सरकारले सम्पूर्ण रूपमा सघाउने, वचतकर्ताहरको वचत दुरूपयोग रोक्ने, फिर्ता पाउने अवस्था सिर्जना गर्ने र पीडितहरूले न्याय पाउने अवस्थामा केन्द्रित भई दिने सुझावलाई सरकारले कार्यान्वयन गर्न कुनै कसर बाँकी राख्ने बताएका छन्।
समितिका अनुसार निम्न व्यक्तिहरुलाई विदेशबाट ल्याउनुपर्ने छ ।
१. जीबी राई -सूर्य दर्शन सहकारी, पोखरा
२. भरत महर्जन – सुमेरू सहकारी, ललितपुर
३. राजमाया महर्जन – ” “, काठमाडौं
४. सचिन महर्जन – ” “, काठमाडौं
५. सरला महर्जन – ” ” , ललितपुर
६. ज्ञानबहादुर बम्जन- सूर्यदर्शन सहकारी, पोखरा
७. भुपेन्द्र राई-सूर्यदर्शन सहकारी, पोखरा
८. तेजबहादुर बम्जन-शिव शिखर सहकारी
९. देवकुमार नेपाली- इमेज वचत, पोखरा
१०.छेदा नेपाली – इमेज वचत सहकारी, बागलुङ
११.तस्बिरन खातुन- सानोपाइला सहकारी,बीरगंज
१२. असरफ अलि – सानो पाइला सहकारी, बीरगंज
१३.सुवास केसी- सहारा सहकारी, चितवन
१४. दीपक पौडेल- इमेज सहकारी, बागलुङ
१५. लीलानाथ गौतम-शिव शिखर सहकारी, भक्तपुर
१६. महाशंकर रेग्मी-मेघा ड्रिम सहकारी, काठमाडौं
१७. थानबहादुर बुढामगर- सूर्यदर्शन सहकारी, पोखरा
१८. प्रेमध्वज लामा- कान्तिपुर कोअपरेटिभ, काठमाडौं
