नेपाली चियालाई ब्राण्डिङ र विश्व बजारमा बजारीकरण गरिरहेको ‘नेपाल टी कलेक्टिभ’का उत्पादन अब भाटभटेनी सुपरमार्केटमा पनि उपलब्ध हुने भएका छन् । कम्पनीका अनुसार अहिले भाटभटेनीका पाटन र बौद्ध आउटलेटमा नेपाल टी कलेक्टिभका चिया उपलब्ध छन् ।
लामो समयदेखि चलेका छलफल र बैठकको नतिजा स्वरुप भाटभटेनी सुपरमार्केटले आफूहरुका उत्पादन राख्न सुरु गरेको नेपाल टी कलेक्टिभकी बिजनेस डेभलपमेन्ट एण्ड पार्टनरसिप्स लिड आकृति अधिकारीले जानकारी दिएकी छिन् ।
यो कुरा देख्दा सानो लागेपनि नेपाली चियाको लागि महत्त्वपूर्ण उपलब्धि भएको उनको भनाइ छ ।
