भोटेकोशी बाढीका कारण देशले भोगिरहेको विपत्ति र शोकलाई मध्यानजर गर्दै आन्तरिक राजस्व विभागले करदाता प्रोत्साहन पुरस्कार घोषणा कार्यक्रम स्थगित गरेको छ ।
विभागले चालु आर्थिक वर्षदेखि हरेक महिनाको पहिलो दिन र हरेक १६ गते गर्दै आएको करदाता प्रोत्साहन पुरस्कार घोषणा कार्यक्रम यो पटकको (भदौ १६गतेको) स्थगित गरेको हो ।
विभागका अनुसार उक्त प्रोत्साहन कार्यक्रमको यो १५ दिनसहित भदौ महिना भरिको विजेता आगामी असोज १ गते घोषणा गर्ने निर्णय भएको छ ।
