नबिल बैंकले गत आर्थिक वर्ष २०८२/०८३ मा ७ अर्ब ९० करोड ५७ लाख रुपैयाँ खुद नाफा कमाएको छ । प्रकाशित वित्तीय विवरण अनुसार बैंकले अघिल्लो आर्थिक वर्षको तुलनामा ३३.५० प्रतिशतले खुद नाफा बढाएको हो ।
बैंकले गत आर्थिक वर्षमा १७ अर्ब ९२ लाख रुपैयाँ खुद ब्याज आम्दानी गरेको छ । बैंकको कमिसन आम्दानी ३ अर्ब ५४ करोड १० लाख रुपैयाँ पुगेको छ ।
बैंकले निष्क्रिय कर्जामा सुधार गरेको छ । अघिल्लो आर्थिक वर्षमा ४.४८ प्रतिशत रहेको निष्क्रिय कर्जा अनुपात गत आर्थिक वर्षमा ४.२० प्रतिशतमा झरेको छ । कर्जा नोक्सानी व्यवस्थामा बैंकले २ अर्ब ६७ करोड ७१ लाख रुपैयाँ प्रोभिजन राखेको छ । बैंकको वितरणयोग्य मुनाफा ५ अर्ब १६ करोड रहेको छ भने प्रति शेयर वितरणयोग्य आम्दानी १९.१० रुपैयाँ रहेको छ ।
बैंकको प्रतिसेयर आम्दानी २१.८९ रुपैयाँबाट बढेर २८.३६ रुपैयाँ पुगेको छ । प्रतिसेयर नेटवर्थ २४७.२८ रुपैयाँ छ । मूल्य आम्दानी अनुपात १८.८६ गुणा छ ।
बैंकले निक्षेप संकलन पनि ५ खर्ब २४ अर्ब ६२ करोड रुपैयाँबाट ५ खर्ब ९२ अर्ब ५५ करोड रुपैयाँ पुर्याएको छ । कर्जा प्रवाह पनि ४ खर्ब १० अर्ब ९९ करोड रुपैयाँबाट बढेर ४ खर्ब ६० अर्ब ३१ करोड रुपैयाँ पुगेको छ ।
बैंकको आधार दर ४.४४ प्रतिशत, पूँजीकोष अनुपात १२.३७ प्रतिशत र प्राथमिक पूँजीकोष अनुपात ९.६८ प्रतिशत रहेको छ ।
