अर्थमन्त्री डा. स्वर्णिम वाग्लेले नेपाली इतिहासकै ठूलो वित्तीय अपराधमा संलग्न समूहबाट लाभ लिइरहेकाहरुबाट प्रधानमन्त्री र आफूमाथि आक्रमण भइरहेको बताएका छन् ।
बुधबार प्रतिनिधिसभाको अर्थ समितिमा आयोजित बजेट सम्बन्धि छलफलमा बोल्दै उनले ठूलो वित्तीय अपराधमा संलग्न समूहबाट पालित÷पोषितहरुबाट आफूहरुमाथि आक्रमण भएरहेको दाबी गरेका हुन् ।
‘प्रधानमन्त्री र म माथि नियोजित रुपमा घेरा बन्दी र आक्रमण भइरहेको छ’ अर्थमन्त्री डा. वाग्लेले भने, ‘नेपाली इतिहासकै ठूलो वित्तीय अपराधमा संलग्नहरुमाथि सरकारले छानबिन गरिरहेको छ । केही दिनमा यो विषय अदालत पुग्दैछ । तिनै समूहबाट पालित पोसितबाट प्रधानमन्त्री र ममाथि आक्रमण भइरहेको मलाई शंका लागेको छ ।’
उनले सार्वभौम संसदका सदस्यहरु त्यस्ता समूहका कुराबाट प्रभावित हुन नहुने उनको आग्रह छ ।
