नेपाल उद्योग वाणिज्य महासंघका अध्यक्ष अन्जन श्रेष्ठले पदभार सम्हालेका छन् । बिहिबार महासंघको सचिवालयमा अध्यक्ष श्रेष्ठले पदभार ग्रहण गरेका हुन् ।
उनलाई निवर्तमान अध्यक्ष चन्द्र ढकालले जिम्मेवारी हस्तान्तरण गरेका हुन् ।
श्रेष्ठ गत निर्वाचनमा वरिष्ठ उपाध्यक्षमा निर्वाचित भएका थिए । विधानको प्रावधान अनुसार उनी यसपाली स्वतः अध्यक्ष बनेका हुन् । वरिष्ठ उपाध्यक्ष स्वतः अध्यक्ष प्रावधान अन्तर्गत अध्यक्ष बन्ने उनी अन्तिम व्यक्ति भएका छन् । आउँदो निर्वाचनबाट अध्यक्षमै प्रत्यक्ष निर्वाचन हुनेछ ।
