सरकारले एकै साथ २१ जना सचिवहरुको सरुवा गरेको छ । सोमबार बसेको मन्त्रिपरिषद बैठकले २१ जना (राजपत्राङ्कित विशिष्ट श्रेणीका अधिकृत) सचिवको सरुवा गर्ने निर्णय गरेको हो ।
यस क्रममा अर्थ मन्त्रालयका सचिव मधुकुमार मरासिनीको पनि सरुवा भएको छ। उनलाई उपराष्ट्रपति कार्यालयमा पठाईएको छ । अर्थ मन्त्रालयमा रहेका राजस्व सचिव डा. रामप्रसाद घिमिरेलाई अर्थ सचिवको जिम्मेवारी दिइएको छ ।उद्योग वाणिज्य तथा आपूर्ति मन्त्रालयमा वाणिज्य सचिव रहेका दिनेशकुमार घिमिरे राजस्व सचिवको रुपमा आउने भएका छन् ।
जल तथा ऊर्जा आयोगका सचिव केशवकुमार शर्माको भौतिक पूर्वाधार तथा यातायात मन्त्रालयमा सरुवा भएको छ । भौतिक पूर्वाधार तथा यातायात मन्त्रालयका सचिव गोपालप्रसाद सिग्देलको ऊर्जा सचिवको रुपमा सरुवा भएको छ ।
त्यस्तै नारायण प्रसाद दुवाडी राष्ट्रपतिको कार्यालयमा , रामाधार शाह नेपाल ट्रष्टको कार्यालयमा , प्रमिला देवी बज्राचार्य खानेपानी मन्त्रालयमा तथा सुरेश आचार्य जल तथा ऊर्जा आयोगमा सरुवा भएका छन् ।
अन्य सचिव को कहाँ?
घनश्याम उपाध्याय- श्रम मन्त्रालयबाट अख्तियारमा
रामेश्वर दंगाल- अख्तियारबाट रक्षा मन्त्रालयमा
मुकुन्दप्रसाद निरौला- संघीय मामिला तथा सामान्य प्रशासनबाट श्रममा
डिल्लीराम शर्मा- राष्ट्रपतिको कार्यालयबाट लोकसेवा आयोगमा
राजकुमार श्रेष्ठ- लोक सेवा आयोगबाट प्रधानमन्त्री कार्यालयमा
रामकृष्ण सुवेदी- सञ्चार मन्त्रालयबाट सार्वजनिक खरिद अनुगमन कार्यालयमा
राधिका अर्याल- उपराष्ट्रपति कार्यालयबाट सञ्चार मन्त्रालयमा
भरतमणि सुवेदी- सार्वजनिक खरिद अनुगमन कार्यालयबाट संघीय मामिलामा
गोकर्णमणि दवाडी- भूमि व्यवस्थाबाट राष्ट्रिय तथ्यांक कार्यालयमा
अर्जुनप्रसाद पोखरेल-राष्ट्रिय तथ्यांक कार्यालयबाट भूमि व्यवस्थामा
किरणराज शर्मा- रक्षाबाट प्राकृतिक स्रोत तथा वित्त आयोगमा
मधुसुदन बुर्लाकोटी- प्राकृतिक स्रोत तथा वित्त आयोगबाट वाणिज्य मन्त्रालयमा
