बुढानिलकण्ठ हेरिटेज लिमिटेडले आईपीओ निष्काशनको अनुमति माग गर्दै नेपाल धितोपत्र बोर्डमा आवेदन दिएको छ । कम्पनीले चैत्र १६ गते आवेदन दिएको हो।
कम्पनीले ४९ करोड ५० लाख रुपैयाँ बराबरको ४९ लाख ५० हजार कित्ता शेयर निष्काशनको अनुमति माग गर्दै बोर्डमा आवेदन दिएको हो। शेयर निष्काशनको लागि ग्लोबल आईएमई क्यापिटल बिक्री प्रबन्धक रहेको छ।
यस कम्पनीले काठमाडौँको बुढानीलकण्ठमा पाँचतारे होटेल निर्माण सम्पन्न गरि ‘लेमन ट्री प्रिमियर’ को नामबाट संचालन गरिरहेको छ । करिब १३ रोपनी क्षेत्रफलमा बनेको होटेल नौ तलाको रहेको छ। कम्पनीका अध्यक्ष अम्बिका प्रसाद पौडेल हुन् भने अन्य संचालकमा शिवनाथ पाण्डे, नवराज बुर्लाकोटी, बाबुकाजी कार्की र सृजना के.सी. रहेका छन् ।
