आगामी आर्थिक वर्ष २०८३/०८४ को बजेट निर्माण क्रममा राजस्व सम्बन्धि सुझाव दिन अर्थ मन्त्रालयले राजस्व परामर्श समिति गठन गरेको छ । अर्थ मन्त्रालयका प्रवक्ता टंकप्रसाद पाण्डेयका अनुसार अर्थमन्त्री रामेश्वर खनालले राजस्व सचिवको संयोजकत्वमा राजस्व परामर्श समिति गठन गरिएको हो ।
विभागीय प्रमुख, त्रिभुवन विश्वविद्यालय अर्थशास्त्र केन्द्रीय विभाग वा निजले तोकेको वरिष्ठ प्राध्यापकलाई सदस्य तोकिएको छ । उद्योग, वाणिज्य तथा आपूर्ति मन्त्रालयका सहसचिव, नेपाल राष्ट्र बैंकका कार्यकारी निर्देशक, अर्थ मन्त्रालयले तोक्ने अर्थ विज्ञ र कर विज्ञ एक एक जना, नेपाल उद्योग वाणिज्य महासंघका अध्यक्ष, नेपाल उद्योग परिसंघ अध्यक्ष, नेपाल चेम्बर अफ कमर्स अध्यक्ष र नेपाल आर्थिक संघ अध्यक्ष समितिको सदस्य रहने छन् ।
नेपाल उद्योग व्यापार महासंघका अध्यक्ष, नेपाल घरेलु तथा साना उद्योग महासंघ अध्यक्ष पनि समितिको सदस्यमा रहने छन् । अर्थ मन्त्रालयको राजस्व व्यवस्थापन महाशाखा सहसचिवलाई सदस्यसचिवको जिम्मेवारी तोकिएको छ ।
पाण्डेयका अनुसार राजस्व परामर्श समितिले आफ्नो काम सुरु गरिसकेको छ ।
