नेपाल नागरिक उड्डयन प्राधिकरण (क्यान)ले सौर्य एयरलाइन्सलाई पुनः उडान अनुमति दिएको छ । सौर्य एयरलाइन्सले सेफ्टी अडिटमा ६५ प्रतिशतभन्दा ढबी अंक पाएपछि क्यानले उडान अनुमति दिएको हो ।
यसअघि २०८१ साउन ९ गते त्रिभुवन अन्तर्राष्ट्रिय विमानस्थलबाट पोखरा उडेको सौर्यको जहाज दुर्घटनामा परेसँगै उसका सबै उडान रोकिएका थिए । तर, २०८२ साउन ३० गते क्यानले उडान अनुमति प्रमाणपत्रको प्रतिबन्ध फुकुवा गरेपनि सेफ्टी अडिटमा ६० प्रतिशतभन्दा कम अंक प्राप्त गरेपछि उडान भने गर्न सकेको थिएन ।
अब भने उडान गर्न पाउने भएको हो ।
सौर्यसँग अहिले दुई वटा जहाज भएपनि एउटा मात्रै उडानयोग्य अवस्थामा छ । अर्को जहाज मर्मतकै क्रममा छ । अब कम्पनीले फागुन दोस्रो साताबाट विराटनगर र भद्रपुरबाट उडान सुरु गर्ने योजना बनाएको छ ।
