आईसीटीसी ग्रुप अन्तर्गतको हाइल्याण्ड डिस्टिलरी लिमिटेडले साधारणसभा आह्वान गरेको छ। कम्पनीले माघ २८ गते साधारणसभा बोलाएको हो।
सभामा लाभांश सहितका विविध प्रस्ताव पेश हुने छन् । कम्पनीले आर्थिक वर्ष २०८१/८२ को मुनाफाबाट हाल कायम चुक्ता पुंजी ६३ करोड ८४ लाख बराबरको बोनस शेयर र कर प्रयोजनको लागि १.३१५८ प्रतिशत नगद लाभांश वितरण गर्ने प्रस्ताव गरेको छ।
त्यस्तै कम्पनीले सर्वसाधारणलाई आईपीओ निष्काशन गर्ने प्रस्ताव साधारणसभामा लैजाने भएको छ। कम्पनीको सभाको विशेष प्रस्तावमा आईपीओ निष्काशन गर्ने, कम्पनीको प्रबन्ध पत्र र नियमावलीमा आवश्यक संशोधन गर्ने, थप संशोधन आवश्यक परे संचालक समितिलाई अख्तियारी दिने लगायतका प्रस्ताव पेश हुने छन् ।
यस कम्पनीले हाईल्याण्डर, भर्जिन, भर्जिन गोल्ड, बन्दीपुर, एम्परर लगायतका ब्राण्डमा मदिरा उत्पादन गर्दै आएको छ ।
