खाद्य व्यवस्था तथा व्यापार कम्पनी लिमिटेडले वीरगन्जबाट ७ हजार ७ सय क्वीन्टल धान खरिद गरेको छ । कम्पनीको वीरगन्ज शाखाले बुधबारसम्म ७ हजार ७ सय क्वीन्टल धान खरिद गरेको हो ।
शाखा प्रमुख पंकज झाका अनुसार हाल दैनिक औसत ३५० क्वीन्टल धान खरिद भइरहेको छ ।
टोकन प्रणालीबाट किसानको धान खरिद गर्नका लागि कम्पनीले वीरगन्ज शाखाबाट २७५ टोकन वितरण गरेको थियो । यसमध्ये बुधबारसम्म २४ टोकनबाट धान खरिद भइसकेको छ ।
कम्पनीको वीरगन्ज शाखाले पर्सा, बारा र रौतहट जिल्लाबाट धान खरिद गर्नेछ । वर्ष शाखाले १० हजार क्वीन्टल धान खरिदको कोटा पाएको छ । यस अनुसार अब उक्त शाखाले २ हजार ७ सय क्वीन्टल धान खरिद गर्न बाँकी छ ।
