प्रख्यात ईभी ब्राण्ड ‘फर्थिङ फ्राइडे’ले नेपाली बजारमा मजबत उपस्थित जनाउँदै लगेको छ । चीनको डोङफेङ ब्राण्ड अन्तर्गतको ‘फर्थिङ फ्राइडे ईभी’ ले नेपाली उपभोक्ताको रोजाईमा पर्दै गएको छ ।
नाइमा नेपाल मोबिलिटी एक्स्पो २०२५ मा लक्ष्मी ग्रुपको लक्ष्मी ई-मोबिलिटीले नेपालमा ल्याएर सार्वजनिक गरेको यस ईभीप्रति अहिले उपभोक्ताको आकर्षण बढेको कम्पनीले जनाएको छ । नाइमा एक्स्पोमै अधिकांश अवलोनकर्ताको नजर खिचेको यस ईभी नेपाली बाटो सुहाउँदो र पर्यावरणीय अनुकुलताका कारण रोजाई समेत बन्न थालेको हो ।
लक्जरी र एक्सक्लुसिभ गरी दुइ भेरियन्टमा उपलब्ध फर्थिङ फ्राइडे ईभी अहिले नेपाली अटोमोबाइल्स प्रेमीहरुका लागि राम्रो र अनुकुल विकल्पका रुपमा देखिएको छ । बुकिङ र ग्राहकहरुको ‘इन्क्वायरी’ले समेत फ्राइडे ईभीप्रति आकर्षण बढिरहेको देखाएको छ ।
मोटर पावर ब्याट्री क्यापासिटीले पनि ग्राहकलाई यस ईभीप्रति आकर्षित गरेको पाइन्छ । ६४.४ किलोवाट आवरको ब्याट्री क्षमता र ९९ किलोवाट मोटर पावर भएको यस ईभीले एक पटकको फुल चार्जमा ४ सय किलोमिटर भन्दा बढी रेन्ज दिनेछ ।
प्रिमीयम ईभी सेग्मेन्टमा अहिले यसलाई महत्वपूर्ण विकल्पका रुपमा ग्राहकहरुले नै हेर्न थालेका छन् । नेपालमा विद्युतीय सवारी साधनप्रति आकर्षण बढिरहेका बेला र क्रमशः प्रिमीयम सेग्मेन्टतर्फ उपभोक्ता गइरहेका बेलामा भित्रिएको फर्थिङ फ्राइडे उपर्युक्त समयमा नेपाल भित्रिएको हो ।
ठूला एसयूभी वा क्रसओभर स्टाइलको डिजाइनमा भव्य सुविधा भएको हुनाले पनि यसतर्फ मानिस आकिर्षत भइरहेका छन् । रेन्ज बढी दिने र ब्याट्री क्षमता पनि राम्रो भएकाले यो ईभी लामो दूरीको यात्रा गर्न पनि उपर्युक्त छ । साथै, नेपालको जस्तोसुकै बाटोमा पनि जान सक्ने, ठूलो बुट स्पेश, लक्जरी सिट र सुविधायुक्त इन्टेरियर भएको हुनाले फ्राइडे ईभी नेपाल आएको छोटो समयमै धेरैको रोजाई बन्न पुगेको छ ।
त्यसमाथि अहिले मानिसहरु राम्रो सुविधा र प्रिमीयम अनुभव लिन चाहने भएकाले उक्त चाहना पूरा गराउने फिचरहरु यसमा भएकाले पनि ग्राहकहरु आकर्षित भइरहेका छन् । नेपाली बजारमा फ्राइडे ईभीका लक्जरी भेरियन्टको मूल्य ५०.९६ लाख र एक्सक्लुसिभ भेरियन्टको मूल्य ५६.९६ लाख रुपैयाँ तोकिएको छ ।
साथै, फ्राइडे ईभीले ‘IAA mobility 2025’ मा पनि सहभागीता जनाएको छ । अर्वन मोबिलिटीको भविष्य देखाउने यस शोमा फ्राइडे ईभीले जर्मनीको म्युनिख शहरमा निकै चर्चा पाएको छ ।
