खाद्य व्यवस्था तथा व्यापार कम्पनीले सोमबारदेखि चाडपर्व लक्षित सुपथ मूल्य पसल सञ्चालन गर्ने भएको छ । खाद्यले ििभन्न वस्तुमा ५ रुपैयाँदेखि १० रुपैयाँसम्म छुट दिएर देशैभर सुपथ मूल्य पसल सञ्चालन गर्न लागेको हो ।
साल्ट ट्रेडिङ कर्पोरेशनले पनि सोमबारदेखि सुपथ मूल्य पसल सञ्चालन गर्ने भएको छ । खाद्य व्यवस्था तथा व्यापार कम्पनीले देशभर १११ स्थानमा सुपथ मूल्य पसल सञ्चालन गर्नेछ भने साल्ट ट्रेडिङले ३८ स्थानमा सुपथ मूल्य पसल सञ्चालन गर्नेछ । यी पसल आगामी छठ पर्वसम्म सञ्चालन हुनेछन् ।
कुन वस्तुमा कति छुट ?
खाद्य व्यवस्था तथा व्यापार कम्पनीका प्रमुख कार्यकारी अधिकृत रमेश आचार्यका अनुसार सुपथ मूल्य पसलमा सबै किसिमका चामल, गहुँका दाना र चिनीमा प्रतिकिलो ५ रुपैयाँ छुट हुनेछ । यस्तै, सबै खालका दाल, गेडागुडी (चना, भटमास र केराउसमेत)मा पनि प्रतिकिलो ५ रुपैयाँ छुट हुनेछ ।
यसैगरी, तोरी, सनफ्लावर र भटमासको तेलमा प्रतिलिटर ७ रुपैयाँ छुट उपलब्ध हुनेछ । चिउरा, आटा, पिठो र मैदामा प्रतिकिलो ७ रुपैयाँका दरले नै छुट पाइनेछ ।
यस्तै, जिरा, धनिया र चियापत्तीमा प्रतिकिलो १० रुपैयाँ छुट पाइनेछ । कर्णालीको सीमी तथा फापर ९दाना०, चिनो, कागुनो र मार्सी तथा बासमती चामलमा पनि उपभोक्तालाई प्रतिकिलो १० रुपैयाँ छुट दिने निर्णय भएको छ ।
जिाउँदो खसी, बोका र च्याङ्ग्रा पनि प्रतिकिलो १० रुपैयाँ छुटमा बिक्री गरिने भएको छ । सबै वस्तुहरुको निःशुल्क होम डेलिभरी सेवा पनि उपलब्ध गराइनेछ ।
यसैगरी, साल्ट ट्रेडिङबाट सञ्चालन हुने सुपथ मूल्य पसलबाट नुनमा प्रतिकिलो २ रुपैयाँ, चिनी प्रतिकिलो ५ रुपैयाँ, तेल, चिउरा, पिठो, मैदा र दाल प्रतिकिलो ७ रुपैयाँ छुटमा उपभोक्तालाई उपलब्ध गराउने निर्णय भएको छ ।
