आज मंगलबार शेयर बजार परिसूचक नेप्से दोहोरो अंकले बढेको छ। आज नेप्से सूचक १५.७९ अंकले बढेर २१५२.१४ को बिन्दुमा पुगेर रोकिएको छ।
आज कारोबारमा आएका ३१६ कम्पनीका १ करोड १६ लाख ६१ हजार २ सय ८ कित्ता शेयर खरिद बिक्रीबाट ५ अर्ब ५३ करोड ५९ लाख ५८ हजार ८ सय ८५ रुपैयाँ ३१ पैसाको कारोबार भएको छ । जस मध्ये एनआरएन इन्फ्रास्ट्रकचर्स एण्ड डेभलपमेन्ट लिमिटेडको सर्वाधिक १९ करोड ७७ लाखको कारोबार भएको छ भने नेपाल फाइनान्सको १६ करोड २१ लाख तथा जानकी फाइनान्सको १३ करोड ५६ लाखको कारोबार भएको छ ।
आज कारोबारमा अयेका मध्ये गणपति लघुवित्त र आत्मनिर्भर लघुवित्तको शेयर मूल्य १० प्रतिशतले बढेको छ । त्यस्तै बुद्धभुमि नेपाल हाइड्रोको शेयर मूल्य ९.९१ प्रतिशत, युनिक नेपला लघुवित्तको शेयर मूल्य ९.७९ प्रतिशत तथा सबैको लघुवित्तको शेयर मूल्य ९.१५ प्रतिशत बढेको छ।
आज सिद्धार्थ इन्भेष्टमेन्ट ग्रोथ स्किम २ को इकाई मूल्य सर्वाधिक ५.४७ प्रतिशत घटेको छ भने नेपाल फाइनान्सको शेयर मूल्य ४ प्रतिशत तथा बोटलर्स नेपाल बालाजुको शेयर मूल्य ३.९० प्रतिशत घटेको छ ।
आज कारोबारमा आएका समूहगत सूचक मध्ये लघुवित्त समूहमा लगानीकर्ताको आकर्षक देखिएको छ । आज लघुवित्त समूह सर्वाधिक ३.०६ प्रतिशत बढेको छ भने विकास बैंक समुह २.४९ प्रतिशत बढेको छ । आज उत्पादन त्तहा प्रशोधन समुह सर्वाधिक ०.५४ प्रतिशत घटेको छ ।
