राष्ट्रिय सहकारी नियमन प्राधिकरणको कार्यकारी निर्देशकका रुपमा सहसचिव शेषनारायण पौडेलले जिम्मेवारी सम्हालेका छन् । साउन १२ गतेको मन्त्रिपरिषद बैठकले पौडेललाई राष्ट्रिय सहकारी नियमन प्राधिकरणको कार्यकारी निर्देशकको जिम्मेवारी दिने निर्णय गरे अनुसार उनले साउन १८ गतेबाट जिम्मेवारी बहन गरेका हुन् ।
उनले प्राधिकरणको प्रथम कार्यकारी निर्देशक तथा प्राधिकरण बोर्डको सचिवको रुपमा जिम्मेवारी बहन गरेका हुन् ।
जिम्मेवारी बहन पश्चात पौडेलले नयाँ संरचना, न्यून जनशक्ति, अपर्याप्त कानूनी पूर्वाधार, कानूनी अस्पष्टता तथा दोहोरोपनाको साथै बचत तथा ऋणको मुख्य कारोबार गर्ने सहकारीका समस्याहरु बिकराल रहेको अवस्थामा प्रतिकुलतासँग जुधेर यथाशक्य समस्या समाधानको मार्ग तय गर्नुको विकल्प नरहेको बताएका छन् ।
