चितवनमा लोडसेडिङ सुरू भएको हो ? यस्तो छ हितेन्द्रदेवको प्रष्टिकरण

नेपाल विद्युत प्राधिकरणका कार्यकारी निर्देशक हितेन्द्रदेव शाक्यले शाक्यले चितवनमा लोडसेडिङ सुरू भएको भन्दै फैलाइएको हल्लामा कुनै सत्यता नरहेको बताएका छन् । मर्मत कार्य गर्नुपर्दा विद्युत आपूर्ति केही समयका लागि रोकिने भनेर पूर्व सूचना दिइएको भन्दै उनले लोडसेडिङ भनेर गलत तरिकाले व्याख्या गरेर हल्ला फैलाइएको बताएका हुन् ।

‘चितवनमा रहेको सबस्टेशन अपग्रेड गर्न पूरानो कन्डक्टर फेर्ने काम भएकाले आइतबार र सोमबार विद्युत आपूर्ति बन्द गर्न लागिएको हो’ शाक्यले भने, ‘पूरानो कन्डक्टरका कारण लोड धान्न नसक्ने अवस्था आएपछि त्यसलाई परिवर्तन गर्न लागेका हौँ ।’

तर, यस सम्बन्धि पूर्व सूचनालाई गलत तरिकाले ब्याख्या गरेर लोडसेडिङ सुरु भयो भन्ने खालका हल्ला फैलाइएको उनको भनाइ छ ।