राष्ट्रिय जीवन बीमा कम्पनीले नयाँ बोनस दर घोषणा गरेको छ । कम्पनीले मुनाफामा सरिक हुने गरी (बोनस दिने गरी) जारी गरेको सबै किसिमका बीमालेखहरूमा आ.व. २०८१/८२ का लागि प्रति वर्ष प्रति हजार बीमाङ्कमा रु. ६०।- बोनस दर कायम गरिएको जनाएको छ।
बोनस दर बीमाङ्कीय मूल्याङ्कनका आधारमा परिवर्तनशील रहने पनि कम्पनीले जनाएको छ । कम्पनीले भनेको छ ‘ कम्पनीको आ.व. २०६७/६८ देखि आ.व. २०६९/७० सम्मको In force policies कायम रहेको जम्मा बीमालेख सङ्ख्या १६२७२१ को आर्थिक स्थितिको लेखाजोखा र दायित्व मूल्याङ्कन सम्बन्धी बीमाङ्कीय मूल्याङ्कन प्रतिवेदन श्री नेपाल बीमा प्राधिकरणबाट मिति २०८०।१०।१७ को पत्रबाट स्वीकृत भए अनुसार यस कम्पनीले सञ्चालनमा ल्याएको मुनाफामा सरिक हुने गरी (बोनस दिने गरी) जारी गरेको सबै किसिमका बीमालेखहरूमा आ.व. २०८१/८२ का लागि प्रति वर्ष प्रति हजार बीमाङ्कमा रु. ६०।- बोनस दर कायम गरिएको व्यहोरा सम्पूर्ण बीमितहरू एवं अन्य सम्बन्धित सबैलाई जानकारी गराउँदछौं । ‘
