काठमाडौँको भृकुटीमण्डपमा जारी ८औँ संस्करणको ‘चेम्बर एक्स्पो २०२५’मा २ दिनमा ८ हजार बढी व्यक्तिहरुले अवलोकन गरेका छन् । नेपाल चेम्बर अफ कमर्सले आयोजना गरेको चेम्बर एक्स्पो २०२५ मा माघ १७ र १८ गतेसम्म ८ हजार बढी व्यक्तिहरुले अवलोकन गरेको चेम्बरको मेला समितिका सभापति राष्ट्रभूषण चाकुवाजीले जानकारी दिए ।
‘आजसम्म ८ हजार जतिले अवलोकन गर्नु भएको छ, शनिबार साप्ताहिक बिदाको दिन अरु दिनभन्दा बढी मानिसहरुले प्रदर्शनी अवलोकन गर्नुहुनेछ’ उनले भने ।
नेपाल चेम्बर अफ कमर्सको आयोजनामा जारी ८औँ संस्करणको चेम्बर एक्स्पो माघ २१ गतेसम्म चल्नेछ । मेलाको ५० हजार बढीले अवलोकन गर्ने आयोजकको अपेक्षा छ ।
मेलामा स्वदेशी र विदेशी गरी १ सय २५ भन्दा स्टलहरु छन् । एक्स्पोको बिहिबार प्रधानमन्त्री केपी शर्मा ओलीले उद्घाटन गरेका हुन् ।
