फाष्टफुड एसोसियशन नेपालको अध्यक्षमा होमराज श्रेष्ठ चयन भएका छन् । एसोसियशनको २०औँ साधारणसभा तथा ८औँ राष्ट्रिय अधिवेशनमार्फत श्रेष्ठको अध्यक्षतामा नयाँ कार्यसमिति सर्वसम्मत रुपमा चयन भएको हो ।
एसोसियशनको उपाध्यक्षमा रामकाजि भन्डारी र नवीन श्रेष्ठ चयन हुँदा महासचिवमा राकेश श्रेष्ठ सर्वसम्मत चुनिएका छन् । सचिवमा भिम प्रसाद आरण र कुमार भण्डारी निर्विरोध हुँदा कोषाध्यक्षमा टेक बहादुर श्रेष्ठ पनि सर्वसम्मत रुपमा चयन भएका छन् ।
सदस्यहरुमा रबिन्द्र भण्डारी, गोपाल श्रेष्ठ, लक्ष्मि श्रेष्ठ, सुभाष श्रेष्ठ, महेन्द्र श्रेष्ठ र तुलसि श्रेष्ठ चुनिएका छन् ।
राजकुमार श्रेष्ठ (राजु)को अध्यक्षतामा भएको साधारणसभामा संस्थाको स्मारिका ‘फास्ट फ्यान सन्देश’ पनि विमोचन गरिएको थियो । साथै संस्थाको भवन निर्माणमा सहयोग गर्ने दाताहरुको नामसहितको शिलालेख पनि अनावरण गरिएको नवनिर्वाचित महासचिव राकेश श्रेष्ठले जानकारी दिएका छन् ।
